Նորությունները դասավորել ըստ` Ամսաթվի | Հանրահայտությամբ | Այցելության քանակի | Մեկնաբանություների | Այբենական կարգի

13.09.16 "Հայ դպրոց" հիմնադրամի օժանդակությամբ վերանորոգվում է դպրոցների գույքը

Հեղինակ` Suren ամսաթիվ` 13-09-2016, 20:43, դիտել են` 187

0
ԱՄՆ Լոս Անջելես քաղաքի ՙՙ՚Հայ դպրոց՚ հիմնադրամի օժանդակությամբ լիովին վերանորոգվում եւ նոր տեսք է ստանում Հայաստանի տարբեր մարզերի դպրոցների գույքը: Ծրագրից անմասն չի մնացել նաեւ Սեւանի տարածաշրջանի Գագարինի միջնակարգ դպրոցը: ՙՙ՚Հայ դպրոց՚ հիմնադրամի ներկայացուցիչները շրջել են դպրոցում, ծանոթացել նորացված գույքին: Վերջիններս իրենց գոհունակությունն են հայտնել նորացված եւ լավ պահպանմած սեղանների, նստարանների մասին:

Խումբ` Գլխավոր » Սևան

 

03 09 2016 Ծաղկունք համայնքում առաջնային լուծում պահանջող խնդիրը կոյուղատարի վթարված վիճակն է

Հեղինակ` Suren ամսաթիվ` 3-09-2016, 17:29, դիտել են` 235

1
Մոտ 300 տնտեսություն և 1150 բնակչություն ունեցող Ծաղկունք համայնքը Գեղարքունիքի մարզի հնագույն բնակավայրերից է: Վերջին տարիներին այս համայնքում որոշակի աշխատանքներ են կատարվել համայնքապետարանի միջոցներով: Գյուղում իր լուրջ ներդրումն ու աջակցություն ունի նաև Դար հիմնադրամը: Սակայն դեռ առկա են հիմնախնդիրներ, որոնք հրատապ լուծում են պահանջում:
Գեղարքունիքի մարզի Ծաղկունք համայնքում առաջնային և կարևոր խնդիրը, որ նշեց համայնքի ղեկավար Պետիկ Աղաջանյանը, դա Գագարինի, Ծաղկունքի և Գեղամավանի միջև կոյուղատարի վթարված վիճակն է: Կոյուղին խառնվում է Զանգու գետին, որից սնուցվում են արտերը, անասուններն են խմում այդ ջրից, իսկ գարշահոտությունը քամու ուղղությամբ տարածվում է դեպի բնակավայրեր: Համայնքային ենթակառուցվածքների ծրագրի շրջանակներում նախատեսված է Սևանի մաքրման կայանի և կյուղու կոլեկտորի կառուցումը, որը կլուծի այս հարցը: Խնդիրների շարքում կարևորելով արարողությունների սրահ ունենալը Ծաղկունք համայնքում, Պետիկ Աղաջանյանը նշեց, որ Գեղարքունիքի մարզպետարանը գումարի կես մասը հատկացրել է, գյուղապետարանն էլ իր հերթին լուծել է նախագծա-նախահաշվային պլանի հարցը: Ծաղկունք համայնքում բավարար հիմքերի վրա են դրված հողահարկի և գույքահարկի հավաքագրումները:Ծաղկունքը չունի նաև մանկապարտեզ, չնայած դրա անհրաժեշտությունն այսօր կա համայնքում, մանկապարտեզի և գյուղապետարանի շենքի նախագծա-նախահաշվային պլանի ծախսերը հոգացել է Դար հիմնադրամը: Չի լուծված նաև գյուղապետարանի ադմինիստրատիվ շենքային պայմանների և մշակույթի կենտրոնի կառուցման հարցերը:
Մանկապարտեզի նախկին շենքում են հիմա տեղակայված գյուղապետարանը և բուժ կետը:
Թվարկված խնդիրներին զուգահեռ Ծաղկունքում Պետիկ Աղաջանյանի ղեկավարման տարիներին բավականին մեծածավալ աշխատանքներ են կատարվել, որնց մի մասը գյուղապետարանի միջոցներով, իսկ մի մասն էլ Դար հիմնադրամի միջոցներով:
Այն, որ այսօր վեր է խոյանում Ծաղկունքի սուրբ Սարգիս եկեղեցին, ծաղկունքցի երեխաները բարեկարգված ճանապարհով են գնում դպրոց ու սովորում են ժամանակակից բոլոր պայմաններով հագեցած դպրոցում, յուրաքանչյուր ծնված երեխայի համար դրամական օգնություններ են տրամադրվում ու էլի շատ ու շատ գործեր, Աղաջանյան եղբայների իրենց գյուղին նվիրվածության և համայնքի ղեկավար Պետիկ Աղաջանյանի հետևողական աշխատանքի արդյունքն է:Համայնքի փոքր բյուջեով իհարկե դժվար է մեծ գործեր անել, նշում է համայնքի ղեկավարը, ու միաժամանակ հավելում, որ մինչ այսօր երեխաների համար կարողացել են կառուցել խաղամիջոցներով հագեցած այգի, լուծվել է համայնքի գիշերային լուսավորության հարցը, մաքրվել են սելաֆատարները, բարեկարգվել են դաշտամիջյան և դեպի սար տանող ճանապարհը, որտեղից հիմնականում բերվում է անասնակերը, կատարվում և կատարվել են ծառատնկման աշխատանքներ, ճանապարհներն են մաքրվում, համայնքում իրականացվում է կանոնավոր աղբահեռացում, տեղադրվել են նստարաններ, գյուղի առավել կարիքավորներին տրամադրվում են օգնություններ, օգնություններ են տրամադրվել նաև քառօրյա պատերազմի օրերին Արցախ մեկնած ծաղկունքցիներին: Համայնքապետարանը միշտ կանգնած է դպրոցի կողքին և միշտ օգնում է ցանկացած հարցում: Դպրոցի հանդեպ ուշադրությունն է, որ ծաղկունքցի դպրոցականները մեծ հաջողությունների են հասել: Դպրոցում գործում են թատրոնի, նկարչության և արվեստի այլ բխմբակներ: Դպրոց այցելուների աչքից դժվար թե վրիպի երեխաների ձեռքի աշխատանքների ցուցահանդեսը: Առջևում ՏԻՄ ընտրութուններն են: Պետիկ Աղաջանյանը առաջադրել է իր թեկնածությունը, որպես համայնքի ղեկավար: Նրա խոսքով կան դեռ աշխատանքներ, որոնք դեռ կիսատ են: Համայնքի ղեկավարը կողմ է նաև համայնքների խոշորացմանը:Անկախ ամեն ինչից Ծաղկունքցին ապրում է իր առօրյա հոգսերով և սիրում է իր համայնքը:

Խումբ` Գլխավոր » Սևան

 

01.09.16 Մեկնարկեց նոր 2016-2017 ուսումնական տարին_Սևան

Հեղինակ` Suren ամսաթիվ` 1-09-2016, 19:38, դիտել են` 210

2
Սեպտեմբերի 1-ին՝ գիտելիքի, գրի ու դպրության տոնին նվիրված միջոցառումներ են անցկացվել նաեւ Սեւանի տարածաշրջանի կրթօջախներում: Նախորդ ուսումնական տարում բարձր առաջադիմություն ցուցաբերած աշակերտները հանդիսավորությամբ ստացել են իրենց գովասանագրերը: Սեւանի Խաչատուր Աբովյանի անվան ավագ դպրոցի միջոցառմանը ներկա է եղել, ուսուցիչներին եւ աշակերտներին շնորհավորել Սեւան համայնքի ղեկավար Ռուդիկ Ղուկասյանը:

Խումբ` Գլխավոր » Սևան

 

01 09 16 Սևան համայնքի ղեկավար Ռ. Ղուկասյանի ուղերձը նոր ուսումնական տարվա կապակցությամբ

Հեղինակ` Suren ամսաթիվ` 1-09-2016, 19:37, դիտել են` 240

2
Սևան համայնքի ղեկավար Ռ. Ղուկասյանի ուղերձը նոր ուսումնական տարվա կապակցությամբ

Խումբ` Գլխավոր » Սևան

 

27 08 16 Երեխաների աջակցության հիմնադրամը դպրոցահասակներին նվիրեց պայուսակներ և գրենական պիտույքներ

Հեղինակ` Suren ամսաթիվ` 28-08-2016, 12:34, դիտել են` 125

1
Երեխաների աջակցության հիմնադրամը սեպտեմբերի 1-ին ընդառաջ Սեւանի տարածաշրջանի դպրոցահասակ երեխաներին նվիրեց դպրոցական պայուսակներ եւ գրենական պիտույքներ: Դեպի դպրոց 2016 ծրագիրը նպատակաուղղված է սոցիալապես անապահով ընտանիքների, ծնողազուրկ երեխաների կրթության ապահովմանը:
Դեպի դպրոց 2016 ծրագիրն իրականացվում է Հրազդան եւ Սեւան քաղաքներում ու հարակից գյուղական համայնքերում: Սեւանում ծրագրի շրջանակներում դպրոցական պայուսակներով եւ գրենական պիտույթներով ապահովվել են բազմաթիվ երեխաներ:

Խումբ` Գլխավոր » Սևան

 

27 08 16 Համայնքապատկեր_Անալոգայինից թվային հեռարձակմանն անցնելու գործընթաց

Հեղինակ` Suren ամսաթիվ` 28-08-2016, 12:33, դիտել են` 109

2
Հաղորդման հյուրերն են
Աշոտ Մելիքյան, Խոսքի ազատության պաշտպանության կոմիտեի նախագահ
Մեսրոպ Հարությունյան-մեդիա փորձագետ
Սահակ Դավթյան-«Հայաստանի հեռուստատեսային եւ ռադիոհաղորդիչ ցանց» ՓԲԸ գլխավոր տնօրենի տեղակալ։

Խումբ` Գլխավոր » Սևան

 

27 08 16 Ղարիբյան պարային ստուդիայի Սեւան պարային համույթը 4 տարեկան է:

Հեղինակ` Suren ամսաթիվ` 28-08-2016, 12:32, դիտել են` 127

2
Ղարիբյան պարային ստուդիայի Սեւան պարային համույթը 4 տարեկան է: Այս տարիների ընթացքում սաները ելույթներով հանդես են եկել Հայաստանում եւ արտերկրում: Հերթական գրան պրի մրցանակը ստացել են հուլիսի 7-ին Աջարիայում անցկացված աշխարհի միջազգային պարի փառատոնի ընթացքում:Սեւան պարային համույթի ստեղծման 4-րդ տարեդարձն ու հերթական ձեռքբերումը նշելու համար օգոստոսի 25-ին Սեւանա լճի ափին էին հավաքվել մարզային եւ տեղական իշխանությունների ներկայացուցիչները, սաներն ու ծնողները:Սեւան պարային համույթի պարուսույց Ռաֆիկ Գրիգորյանը եւ սաները հանդիսավորությամբ ստացան Աջարիայում անցկացված աշխարհի միջազգային պարի փառատոնի դիպլոմները: Սեւան պարային համույթի 3 տարիքային խմբերում ընդգրկված են 4-20 տարեկան տղաներ եւ աղջիկներ: Գերակշիռ մասը տղաներն են: ժողովրդական եւ ազգային պարերին զուգահեռ ուսուցանվում են նաեւ այլ ազգերի պարեր: Սեւան պարային համույթի ստեղծման ակունքներում է կանգնած Սեւանի Մեսրոպ Մաշտոցի անվան համար 1 հիմնական դպրոցը: Համույթի գեղարվեսատական ղեկավար, Վանուշ Խանամիրյանի անվան պարարվեստի գործիչների միության անդամ, Վրաստանի պարարվեստի գործիչների միության պատվավոր անդամ Արծրուն Ղարիբյանը հուշանվերների եւ ծաղիկների արժանացրեց 4 տարի իրենց կողքին կանգնած դպրոցի ղեկավարությանը եւ ծնողական խորհրդի անդամներին:Սաների կողմից հուշանվերի արժանացավ նաեւ Արծրուն Ղարիբյանը, ում ջանքերի շնորհիվ այսօր Սևան պարային համույթը մեծ ճանաչում է գտել ինչպես Հայաստանում, այնպես էլ արտերկրում:

Խումբ` Գլխավոր » Սևան

 

27 08 16 Սեւան այցելեցին Էրեբունի վարչական շրջանի ղեկավարի աշխատակազմի ներկայացուցիչները

Հեղինակ` Suren ամսաթիվ` 28-08-2016, 12:31, դիտել են` 116

1
Օգոստոսի 26-ին Սեւան քաղաք այցելեցին Էրեբունի վարչական շրջանի ղեկավարի աշխատակազմի ներկայացուցիչները: Սեւանի Սուրեն Զաքարյանի անվան մշակույթի պալատում հյուրերը դիտեցին 100 դուռ նախագծի հեղինակ Խաչիկ Եղոյանի 100 եկեղեցիների դռները պատկերող նկարների ցուցադրությունը:Ներկայացվեց նաեւ մշակույթի պալատի տնօրեն Իշխան Խաչատրյանի հեղինակած եւ Նովիկ Դարբինյանի սցենարով բեմադրված Ցավի ծաղիկ պարային կոմպոզիցիան՝ նվիրված հայոց ցեղասպանության 100-րդ տարելիցին:Էրեբունի վարչական շրջանի ներկայացուցիչները Սեւանի բնագիտական թանգարանում դիտեցին ներկայացված բրոնզեդարյան գործիքները, կենցաղային առարկաները, սեւանցիների եւ մոլոկանների տների մակետները, գյուղատնտեսական իրերը, Սեւանա լճի ձկնատեսակները, թռչունների խրտվիլակները, ձկնորսական նավերը եւ ալ նմուշներ: Հյուրերն այցելեցին նաեւ Սեւանի Բողբոջ մանկապարտեզ՝ կրթօջախին նվիրելով խաղալիքներ եւ էլեկտրական սարքավորումներ: Էրեբունի վարչական շրջանի ղեկավար Արմեն Հարությունյանի նախաձեռնությամբ Սեւանի Վլադիմիր Կարապետյանի անվան հրապարակին հարող Իտալիայի այգում անցկացվեց Ուրախ ամառ միջոցառումը, որին ներկա էր նաեւ Սեւան համայնքի ղեկավար Ռուդիկ Ղուկասյանը: Միջոցառման ընթացքում փոքրիկների մասնակցությամբ անցկացվեցին տարատեսակ խաղեր: Էրեբունի վարչական շրջանի ղեկավարի կողմից հաղթողները պարգեւատրվեցին նվերներով: Փոքրիկներին ուրախացրին նաեւ հեքիաթների հերոսները:

Խումբ` Գլխավոր » Սևան

 

26 08 16 Սեւանի պատանի երկրապահ կամավորականները ուխտագնացություն կատարեցին դեպի Սևանա վանք

Հեղինակ` Suren ամսաթիվ` 28-08-2016, 12:30, դիտել են` 80

2
Սեւանի Վազգենյան հոգեւոր դպրանոցում այժմ ուսանողների հանգստի շրջանն է: Այս հոգեւոր կենտրոնով հետաքրքրված Սեւանի պատանի երկարապահ կամավորականների թաեքվոնդոյի ակումբի սաները օգոստոսի 24-ին այցելեցին դպրանոց, տեղում ծանոթացան ուսանողների առօրյային, դպրանոցի կյանքին, աշխատանքին եւ գործունեությանը: 1990-ական թթ-ից իր գործունեությունը սկսած Սեւանի Վազգենյան հոգեւոր դպրանոցը Մայր աթոռ սուրբ Էջմիածնի կրթական հաստատություններից է: Այն ներդրում ունի հոգեւորականների պատրաստման գործում: Ուսանողներն այստեղ սովորում են 4 տարի, որից հետո ուսումը շարունակում՝ Գեւորգյան հոգեւոր ճեմարանում: Նրանք 2-րդ կուրսից ձեռնադրվում են դպրիներ: Սեւանցի երեխաներն ու պատանիները իրենց բազուկների ուժերը չափեցին դպրանոցի մարզադահլիճում: Նրանց հետաքրքրել էր նաեւ դպրանոցի սպորտային կյանքը: Այստեղ գործել է կարատե մարզաձեւի խմբակ:Սեւանի պատանի երկարապահ կամավորականների թաեքվոնդոյի ակումբի սաների հաջորդ կանգառը Սեւանա վանքում էր, որտեղ նրանք մոմեր վառեցին՝ ապրլյան քառօրյա պատերազմում զոհվածների հիշատակի համար: Ուխտագնացության մասնակիցները նաև նավով շրջեցին Սեւանա լճում:

Խումբ` Գլխավոր » Սևան

 

23 08 16 Սևանում բարեկարգման մեծածավալ աշխատանքներ են տարվում առանց բյուջեից գումար ծախսելու

Հեղինակ` Suren ամսաթիվ` 28-08-2016, 12:27, դիտել են` 122

2
Սևան քաղաքի կենտրոնական Նաիրյան փողոցի ջրահեռացման խնդիրների մասին բազմիցս ենք խոսել: Հատկապես անձրևների ժամանակ Նաիրյան փողոց շուկայից դեպի քաղաքապետարան ընկած հատվածն ամբողջովին հեղեղվում էր` ավտոմեքենաների երթևեկությունը դարձնելով դժվարանցանելի: Եվ ահա խնդրի պատճառը վերջապես հայտնաբերվեց: Չգիտես ում մեղքով Սայաթ-Նովա-Նաիրյան խաչմերուկի հենց մեջտեղով անցնող ստորգետնյա անձրևաջրերի հեռացման խողովակի մի մասը փաստորեն բացակայում է: Դրա հետևանքով ամբողջ անձրևաջրերը ողողում էին կենտրոնական փողոցը:
Սևանի քաղաքապետարանի Կոմունալ սպասարկում և բարեկարգում ՀՈԱԿ-ի և Ջրմուղ կոյուղու աշխատակիցների ջանքերով այժմ խնդիրը դրական լուծում կստանա:
Սևան քաղաքում` այդ թվում Գոմաձորում, Ցամաքաբերդում և Գագարինում ընթանում են բակային տարածքների ու փողոցների բարեկարգման աշխատանքներ, որոնք իրականացվում են Սևանի համայնքապետարանի կողմից, սակայն առանց բյուջեի միջոցները ծախսելու:
Բակային տարածքների, փողոցների քանդված հատվածները հարթեցվում ու բարեկարգվում են: Մինչ այդ համատիրությունների կողմից իրականացվեցին մայթեզրերի մաքրման աշխատանքներ: Այստեղ կարևորելով համատիրությունների դերը, հարկ է նշել որ բնակիչներին ծառայություններ մատուցող կազմակերպություններն այլևս չպետք է շփոթեն իրենց պարտականությունները մարդկանց լավություն անելու հետ:
Բացի այն, որ բարեկարգվել է բոլոր միկրոթաղամասերի բակային հատվածների երթևեկելի մասերը, գովեստով պետք է խոսել, որ բնակիչներն իրենց ուժերով թաղամասերում իրականացնում են կանաչապատման աշխատանքներ: Սևանի 5-րդ միկրոթաղամասի այս ծաղկապատ հատվածը անցորդների աչքից դժվար թե վրիպի:
Նույնը կարելի է ասել 6-րդ միկրոթաղամասին կից ծաղկապատ հատվածի մասին, ինչը այսօր արդեն բարեկարգ ու գիշերային լուսավորություն ունեցող Սայաթ-Նովա փողոցին ավելի գեղեցիկ տեսք է տալիս: Այս փողոցում բացի նստարաններից, արդեն տեղադրվել են աղբամաններ: Սայաթ-Նովա փողոցից դեպի Սևանի պանթեոն տանող բարեկարգված ճանապարհը, որը նախկինում գրունտային էր և անբարենպաստ եղանակին նամանավանդ` անանցանելի, այլևս կծառայի սևանցիներին այցելելու պանթեոն բարեկարգված ճանապարհով:
Արդեն փոսալցումներ են կատարվել ու բարեկարգվել են նաև Սևան քաղաքի Չերյոմուշկա թաղամասի Լճափնյա, Ամառանոցային, Գեղամա, Սպանդարյան, Կարմիր Բանակ, Հրազդան, Մյասնիկյան փողոցները, 6 միկրոթաղամասերի, Աբովյան 1-ից 15 շենքերի բակային հատվածը, Նալբանդյան, Չարենցի, Էներգետիկների, Ցամաքաբերդի և Գոմաձորի փողոցները: Ճիշտ է ճանապարհները բարեկարգվել են քանդված ասֆալտանյութով, սակայն այն որոշակի ժամանակ կծառայի Սևանի համար: Ճանապարհների բարեկարգման աշխատանքներ են տարվել ու դեռ շարունակվում են Սևանի Վլ. Կարապետյանի հրապարակին կից թաղամասերում, որտեղ կառուցվել է նաև փոքր ֆուտբոլի մարզադաշտ, քաղաքապետարանի կողմից տրամադրվել են նաև գնդակներ, տեղադրվել են դարպասներ: Այն կծառայի թաղամասի երեխաներին և ոչ միայն:
Վլ. Կարապետյանի անվան հրապարակին կից վերջերս ավագանու որոշմամբ Իտալական անվանակոչված այգում տեղադրվեցին խաղամիջոցներ: Կանաչապատ ու գեղեցիկ այգում այսօր մարդիկ հաճույքով են զբոսնում: Ընդհանուր առմամբ Սևանի Վլ. Կարապետյանի անվան հրապարակի շրջակայքը մի նոր ու գեղեցիկ տեսք է ստացել: Եվ դա միայն ու միայն հետևողական աշխատանքի շնորհիվ:
Սևան մուտք գործող ճանապարհի Իզերի հրապարակում ևս տարվում են աշխատանքներ: Հրապարակի օղակաձև հատվածն ամբողջությամբ չիմապատվել է, անցկացվել է ոռոգման ցանց: Այնպես որ մայրուղուց Սևան քաղաք երկու մուտքերն էլ ներկայանալի տեսք ունեն:
Բազում խնդիրներ ունեցող Գագարինում ևս փոփոխություններ կան: Բոլոր ճանապարհները բարեկարգվել են ու դարձել անցանելի երթևեկության համար, ինչը նախկինում չէիր ասի:
Գագարինում զբոսայգու առկայությանը, բարեկարգված փողոցներին շուտով կավելանա նաև նոր ջրագծերի, կոյուղագծերի և օրվա կարգավորիչ ջրամբարի կառուցումը:
Սևան քաղաքի երկրոդային ճանապարհների և թաղամասերի փողոցների այս կերպ հնարավորինս բարեկարգման գործում Սևանի համայնքապետարանը մեծ ջանքեր գործադրեց, տեղական բյուջեցից գումար չծախսելով, որպեսզի այսօրվա սուղ պայմաններում գոնե անցանելի լինեն ներհամայնքային բոլոր ճանապարհները: Սևան –Երևան ավտոճանապարհի վրա ընթացող ասֆալտապատման աշխատանքներից գոյացած քերված ասֆալտանյութի մեծ խմբաքանակ տրամադրվեց Սևան քաղաքին փողոցների բարեկարգման համար շնորհիվ Սևան համայնքի ղեկավար Ռուդիկ Ղուկասյանի ամենօրյա քրտնաջան աշխատանքի: Այդ գործում իր լուման ունի նաև ՀՀ ԱԺ պատգամավոր Կարեն Բոթոյանը: Շուտով պատրաստ կլինի Սևանից դեպի քաղաքային լողափ տանող վերգետնյա անցումը, ինչը չափազանց կարևոր էր կառուցել, որպեսզի զերծ մնանք Սևան-Երևան ավտոճանապարհը հատելիս վտանգավոր իրավիճակից ու դժպախտ պատահարներից:
Հարկ է նշել, որ վերջին օրերին Սևանի բոլոր ճանապարհների վրա կատարվեցին գծանշման աշխատանքներ:
Ամռան սեզոնին ունեցանք ևս մեկ խնդիր, ինչը ամեն տարի կարծես կրկնվում է: Ամռան սեզոնին խմելու ջրի օգտագործման քանակությունն ավելանում է մի քանի անգամ, այդ իսկ պատճառով ունեցանք ջրամատակարարման խնդիրներ Սևանում, որոնք դեռ շարունակվում են, ինչը բավականին անհարմարություններ պատճառեց ու դեռ շարունակում է պատճառել 24 ժամյա ջրամատակարարում ունեցող քաղաքի բնակիչներին: 24 ժամը հենց էնպես, հիշեցնելու համար, որ Սևանը դեռ 5 տարի առաջ պետք է ունենար 24 ժամյա ջրամատակարարում:

Խումբ` Գլխավոր » Սևան

 
Նախորդ Հաջորդ