GEGHAMA MEDIA HOLDING

Սեւան բարեգործական հիմնադրամի հավաքագրած միջոցներով Սեւանում կառուցվում է տարեցների ժամանցի կենտրոններ, բացօթյա տաղավար, իսկ Սեւանի Սուրեն Զաքարյանի անվան մշակույթի պալատի պարային համույթները Սեւան բարեգործական հիմնադրամի տրամադրած գումարով նոր զգեստներ ձեռք կբերեն: Սրանով հիմնադրամի գործունեությունը չի սահմանափակվելու:

Հայաստանում գյուղատնտեսական համատարած հաշվառման առաջին լավագույն տարբերակը կլինի 2012թ-ը` հաշվի առնելով այս տարվա հոկտեմբերին իրականացվելիք մարդահամարի ներուժի օգտագործման հնարավորությունը:
Գյուղատնտեսության համատարած հաշվառման եւ դրա ծրագրավորման ընթացքի մասին տեղեկատվություն ներկայացնելու նպատակով Թվինինգ ծրագրի շրջանակներում Գեղարքունիքի մարզի Չկալովկա համայնքում սեպտեմբերի 23-ից 24-ը անցկացվեց վերապատրաստման սեմինար: Ներկա էին ազգային վիճակագրական ծառայության կենտրոնական գրասենյակի ներկայացուցիչները, Դանիայի եւ Շվեդիայի վիճակագրական ծառայությունների, ԱՄՆ գյուղատնտեսության դեպարտամենտի փորձագետները, մարզային կառույցների ներկայացուցիչներ:

Հայաստանը դու ես՚. այս նշանաբանով ենք տոնում այս տարի մեր երկրի անկախության 20-ամյակը: Տոնին ընդառաջ Սեւանի քաղաքապետ Գեւորգ Մալխասյանի գլխավորությամբ երթ էր կազմակերպվել դեպի Սեւանի քաղաքային պանթեոն: Երթը սկսվեց Սուրեն Զաքարյանի անվան մշակույթի պալատից, որտեղ նախապես փոքրիկ միջոցառում էր կազմակերպվել: Այցելեցինք` հարգանքի տուրք մատուցելու արցախյան ազատամարտում նահատակված ազատամարտիկների հիշատակին:

Սեպտեմբեի 18-ին ՀՀ անկախության 20-ամյանկի առթիվ Սեւանա լճի ափին համահայկական երիտասարդական հասարակական կազմակերպությունը նախաձեռնեց եւ անցկացրեց մասսայական միջոցառում, որին մասնակցում էին 3000-ից ավել հայ երիտասարդներ Հայաստանից եւ սփյուռքից:
Ներել, սիրել եւ արարել... այս կարգախոսն են որդեգրել ժայռականները: Ժայռի պես ամուր ու կանգուն: Ժայռ-ում բոլորը հավասար են: Պատասխանատվությունը համարում են, որպես առավելությունների և արժանիքների հաստատման միջոց, հանդուրժողականությունը`որպես բազմակարծության և զարգացման հիմք, գիտելիքը և մասնագիտական մոտեցումը` որպես աշխատանքի որակի և առաջընթացի հիմք, Հայաստանը` որպես միասնականության գրավական:

Խաչվերացը նվիրված է գերությունից խաչի վերադարձի եւ փառաբանության հիշատակին

Այս տարի սեպտեմբերի 11-ին կնշվի Սուրբ խաչի տոնը` Խաչվերացը: Խաչվերացը Հայ Եկեղեցու հինգ տաղավար տոներից վերջինն է: Այն Խաչին նվիրված տոներից ամենակարեւորն է, որովհետեւ նվիրված է գերությունից խաչի վերադարձի եւ փառաբանության հիշատակին: Հայաստանյայց Եկեղեցում Խաչվերացը տոնում են սեպտեմբերի 11-17-ն ընկած ժամանակահատվածում հանդիպող կիրակի օրը: Սուրբ Խաչը տոնվում է ի հիշատակ Տիրոջ խաչափայտի` պարսկական գերությունից Երուսաղեմ վերադարձի եւ Գող•ոթայում կանգնեցման (վերացման): Այստեղից էլ տոնը կոչվում է Խաչվերաց:

Հայաստանի Հանրապետությունում 2010-2014 թվականներին ցորենի սերմնաբուծության և սերմնարտադրության զարգացման ծրագրի շրջանակներում Ռուսաստանից ներկրած Նոտաս եւ Կրասնոդար 99 տեսակի 6 տոննա ցորենի սերմնացու է տրամադրվել Գեղարքունիքի մարզի Լճաշեն համայնքում գործող Ռանչպար ՓԲԸ-ին:
Վերջինս ետ կվերադարձնի կրկնակի` 12 տոննա ցորենի սերմացու, դիմացը ունենալով այսօր արդեն 7 հեկտարից ստացված 100 տոննա աշնանացան ցորենի բերք:
Օգտագործված Ազոցեովիտ-1 կենսապարարտանյութը իր գործը արել է` ստացված 1 հեկտարի հաշվով 50 ցենտներ ցորենը հենց դա է վկայում: 1 հեկտարին օգտագործվել է 15-20 լ Ազոցեովիտ-1 կենսապարարտանյութ:

Օգոստոսի 14-ին Հայ առաքելական սուրբ եկեղեցին նշում է Սբ. Աստվածածնի Վերափոխման տոնը: Այն Հայ եկեղեցու հինգ տաղավար տոներից չորրորդն է եւ Տիրամորը նվիրված տոներից ամենահինը: Տիրամայրը Հայ եկեղեցու սրբերի մեջ ամենասիրվածն է: Տոնը նշվում է օգոստոսի 15-ի մերձակա կիրակի օրը (օգոստոսի 12-18), ունի շաբաթապահք, նավակատիք եւ մեռելոց:
Այս տոնը առանձնահատուկ է նրանով, որ պայմանավորված է օգոստոսի այս շրջանում հասունացող խաղողի օրհնության ծեսով: Այսինքն՝ տոնի օրը, Ս. Պատարագից հետո կատարվում է խաղողօրհնեք, որից հետո միայն կարելի է խաղող ուտել: Օրհնվում է տարվա ողջ բերքն ու բարիքը: Նույն օրհնված խաղողից օրհնված գինի են պատրաստում, որը մարդիկ պահում են մինչեւ հաջորդ տարվա խաղողօրհնեքը` որպես լիառատության ապահովման նշան:

5-րդ Համահայկական խաղերին Սեւանը կմասնակցի առաջին անգամ եւ 3 մարզաձեւերում` վոլեյբոլ` աղջիների թիմ, շախմատ եւ սեղանի թենիս:
Օգոստոսի 13-ին Սեւանի Նորիկ Դագարյանի անվան մանկապատանեկան մարզադպրոցից համահայկական խաղերին մասնակցելու մեկնեցին սեւանցի մարզիկները:

Վարչապետ Տիգրան Սարգսյանն այսօր Գեղարքունիքի մարզ կատարած այցի ընթացքում հյուրընկալվել է «Միասին» երիտասարդական շարժման «Համահայկական երիտասարդական կրթական ֆորում. Միասին 2011»-ի մասնակիցներին, ծանոթացել նրանց առօրյային, ճամբարի պայմաններին:
Ողջունելով երիտասարդներին` Տիգրան Սարգսյանը նշել է. «Ուրախ եմ ձեզ հետ շփվելու հնարավորության համար, քանի որ շփվելով երիտասարդների հետ` տեսնում ենք` ինչպիսի հարցեր են ձեզ մտահոգում, ինչպիսին է ձեր ապագայի տեսլականը: Բացի այդ, որոշակի պատկերացում ենք կազմում, թե ինչպիսին է լինելու Հայաստանի Հանրապետության ապագան»,- ասել է վարչապետը, այնուհետև պատասխանել երիտասարդների հարցերին:

Վարչապետ Տիգրան Սարգսյանն այսօր Գեղարքունիքի մարզ կատարած այցի շրջանակում մասնակցել է Զոլաքար և Մարտունի համայնքների պոմպակայանների բացման արարողությանը: Միջոցառմանը ներկա էր նաև ՀՀ-ում ԱՄՆ գործերի ժամանակավոր հավատարմատար Բրյուս Դոնահյուն:
Զոլաքար և Մարտունի համայնքների` «Հազարամյակի մարտահրավեր» հիմնադրամ-Հայաստան» ծրագրով վերակառուցված պոմպակայանները (ներդրումները` համապատասխանաբար 3,5 մլն և 2,5 մլն ԱՄՆ դոլարին համարժեք գումար), գտնվում են «Սևան» ազգային պարկում և սնուցվում են Սևանա լճի ջրով: